1. Зошто има различно време? Воздухот е една причина. Можеш ли да го видиш воздухот? Погледни меѓу прстите!Погледни под стапалото! Плесни со раце и погледни внатре! Воздухот е насекаде,но не можеш да го видиш! Зошто?Затоа што тој е безбоен.
2. За да ја потврдите тезата дека воздух има насекаде застанувате на различни места од просторијата и земате воздух и потврдувате: Да, и овде има воздух!
3. Нека почуствува воздух! Дувнете во вашата коса над челото. Придвижете ги рацете напре-назад. Можете да му дувнете позади главата на детето.
4. Дајте му цевче на детето. Дувајте низ цевчето на вашите раце. Воздухот патува низ цевчето. Дајте му на детето чаша. Ставете малку вода. Дувајте со цевчето во водата. Меурчињата што ги гледате се воздух.
5. Надувајте балон! Погледнете како воздухот го прави балонот поголем. Потоа отпуштете го балонот. Воздухот излегува надвор. Го прави балонот помал.
6. Со прстите стиснете го носот и устата. Колку време можете да издржите и зошто?
7. Објаснете му дека кога дува ветер, има движење надвор. Дадете можни идеи за тоа кои објекти надвор се движат кога ветерот дува. Можни идеи се дрвјата, цвеќињата, тревата, облаците, инсектите и луѓето.

Исечете мазни материјали кои можат лесно да се движат,односно да летаат на ветер. Доколку има ветер потопете неколку алишта во вода. Некои од нив оставете ги во просторијата а другите закачете ги надвор. Објаснете му што им прави ветерот и сонцето на мокрите алишта. Заедно проверете ги алиштата дома и надвор и вршете споредување. Објаснете му дека водата од алиштата испарува и дека оди горе во воздухот.