Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:
ВОЗДУШЕН СООБРАЌАЈ ЗА 3 И 4 ГОДИНИ
Цели на оваа активност се:
- Поттикнување на изразување на идеи на креативен начин
употреба на креативноста и инвентивноста во секојдневните активности
откривање на воздушен транспорт, усовршување на ситната и крупна моторика
повторување на геометриските форми, поттикнување на креативност.
За реализација на оваа активност ќе ви биде потребно:
- Балон, пластична или хартиена чашка, лепило, листови хартија, дрвени боички, водени бои, четка.
Опис на активноста која можете да ја реализирате заедно со вашите деца кои се на возраст од 3 до 4 години.
Преку разговор поттикнете го детето да ви даде одговори за тоа кои се летала ги познава, и кој управува со нив, зошто луѓето патуваат со авион итн.
Потоа обидете се заедно со децата да направите авион од хартија, објаснувајте му ги чекорите на детето еден по еден а тоа нека се обиде да повторува по вас за да направите авион, организирајте натпревар чив авион може подалеку и повисоко да летне.
Можете исто така да конструирате балон со воздух како што може да видите на сликата. Балонот треба да се обвитка со лента или конец, потоа да се прицврсти на чашката, дозволете му на детето да ја употреби својата имагинација за да го декорира воздушниот балон.
Разговарајте со децата за тоа какво превозно средство представува и ракетата, потоа исечете делови за ракетата во форми на геометриски форми, поттикнете го детето да ги именува формите(круг, триаголник, квадрат,) потоа составете ракета и дозволете му на детето самостојно да се обиде да ги залепи на лист хартија.
ЗАЕДНО ДА УЧИМЕ НИЗ ИГРА