Цели на оваа активност се:

• Запознавање со воздушниот сообраќај, негово препознавање, именување и стекнување на основни информации за авионот.
• Развојот на грубата и фината моторика со ориентација во просторот и воспоставување контрола врз дланките и прстите при користење на ликовен материјал и равилно држење боичка, фломастер.

За реализација на оваа активност ќе ви биде потребно:

• Слики од воздушен сообраќај.
• Ликовен материјал-фломастери, хартија во боја, бела хартија сезонско овошје, плиток сад, лепило, ножички, картонски исечоци, хигиенски стапчиња за уши, памук.

Воздушнот сообраќај – авионот можеби е еден од основните превозни средства кој кај речиси скоро секое дете во овој период од раниот детски развој буди голема љубопитност. Ова запознавањето нека биде забавно и во рамките на нашата целна и возрасна група. Неизбежно е да се отпочне со разговор и приказ на слики од овој вид на сообраќај низ кој со одреден степен на визуелизација импресиите ќе се и повеќе од очекувани. Со детето разгледувајте разновидни сликовници, слики, видеа … Секогаш поттикнувајте го детето да ви покаже на она превозно средство за кое и ќе биде прашано или ќе му биде посочено.

Од обична бела хартија или листови во боја направете авионче оригам како на сликата, кое сигурно ќе ве врати и Вас во детството. Побарајте од детето и тоа да помине со прстињата преку линиите каде ќе превиткувате а потоа украсено или не дадете му го детето да го „летне а тоа да се вивне виско кон облаците“.

Нацртајте контура на авион и дадете му ја на детето да ја обои по сопствена желба и видување.

• За крај доколку е веќе време да се изеде потребната доза на овошје во денот, од истото направете интересна декорација во вид на летало.
• Додека детето ужива во овошјето вие покажете му уште еден интересен начин и направете макета – конструкција, се подразбира дека секогаш додека постои интерес и детето учествува во нејзино конструирање и склопувањеУживајте во заедничките активности и игри.ЗАЕДНО ДА УЧИМЕ НИЗ ИГРА