Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:
ВОЗДУХ ЗА 3 И 4 ГОДИНИ
Цели на оваа активност се:
- Целта е откривање и осознавање на својствата на воздухот и учество во едноставни истражувачки активности.
За реализација на оваа активност ќе ви биде потребно:
- Чаша со вода и една сламка.
Дали знаете што е воздух?
Дали го гледате воздухот ?
Дали можеме да го фатиме воздухот ?
Дали можеме да живееме без воздух?
(пробајте да ги затворите носот и устата )
На децата објаснете им дека воздухот е насекаде околу нас, иако неможеме да го видиме. Секогаш кога вдишуваме, ние дишиме воздух. Воздухот ни е потребен за да се движиме, размислуваме, играме. Тој овозможува живот на нашата планета. Едноставно без воздух нема живот за луѓето , растенијата и животните.
Ајде да направиме неколку експерименти за да видиме дека воздухот постои, неможеме да го видиме но можеме да го осетиме. Ставете ја сламката во чашата со вода и набљудувајте што ќе се случи. Ќе забележите дека се појавуваат воздушни балончиња во водата.
Експеримент
Потребно е: Свеќа и една чаша
Запалете ја свеќата нека гори фитилот а потоа поклопете ја со чаша и набљудувајте што ќе се случи. Свеќата ќе гори а кога ќе ја поклопите со чашата таа полека ќе почне да се гаси .
Со реализација на овие истражувачки експерименти ќе ја потикнете детската љубопитност.
Се надеваме дека денешнава понудена активност ви се допадна .