Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:
ВО ОВОШНА ГРАДИНА
Цели на оваа активност се:
- Идентификување, препознавање, покажување и опишување на овошјето, стекнување сознанија за ползата од овошјето
- Развивање на сетилото за вкус, оспособување на детето вербално и невербално да го соопшти доживувањето на вкус, развивање на културни навики при пазарење
- Развивање на креативност и естеско чувство при ликовно изразување
- Координација око рака
- Да се развие чувство на радост и задоволство од успешно завршена работа
За реализација на оваа активност ќе ви биде потребно:
- апликации од плодови
- свежи плодови,
- ножички,
- лепак,
- ликовен прибор,
- листови,
- сад за овошна салата,
- марама.
Започнете разговор со Вашето дете за овошјето кое може да се најде во овој период на нашите пазари-јагоди, цреши, лубеница, праски, кајсии, малини, овошје кое не освежува и ни дава многу витамини.
Разговарајте со Вашето дете и за културното однесување при одење на пазар и употреба на културни зборови при пазарење, набљудување на овошјето на пазар и негово именување, опишување и купување.
Поттикнете го детето да ви опише што гледа на следните слики:
Откако ќе разговарате со Вашето дете и ќе ви опише што гледа на сликите на даден линк слушајте ја приказната „Во овошна градина“.
Откако ќе ја ислушате приказната поразговарајте со Вашето дете за истата, поставувајте му кратки прашања .
Објаснување и демонстрирање на подготвувањето на овошна салата од овошјето што ви се наоѓа дома.(миење, бришење, сецкање). Стекнување на културно-хигиенски навики при вкусување на салатата.
Откако ќе ја направите овошната салата вкусувањето на истата може да биде низ игра „Погоди по вкус„
Објаснување на правилата на игра ,,Погоди по вкус,, (на детето му се врзуваат очите со марама, зема од садот едно овошје го вкусува и погодува кое е).Играта трае додека има интерес кај детето.
По завршувањето на овие активности поттикнете го детето од материјалот кое го имате на располагање дома да изработи омиленото овошје (слики од примери во прилог)
На крај обидете се да научите и некоја стихотворба.
Со реализација на овие активности детето стекнува навика да слуша и гледа приказна, отпочнувате разговор со детето во врска со приказната и одговара соодветно на прашањата кое сте му го поставиле. Со помош на овие активности се развива љубопитноста и креативноста кај детето. Како и јакнење на фината моторика кај детето, истрајноста и упорноста.
Се надеваме дека ви се допадна денешната активност, а Вашето дете стекна сознанија за овошните плодови кои зреат во лето, начинот на нивно правилно консумирање и придобивките кои ги имаме од консумирање на истите.
Во интерес на Вашето дете е да ги следите нашите објави
ЗАЕДНО ДА УЧИМЕ НИЗ ИГРА.