Врз основа на програмата за ран детски развој и планот на нашата градинка а во пресрет на големиот христијански празник Велигден, за возрасна група деца 2 до 3 години, денес ја обработуваме темата со наслов:

ВЕЛИГДЕН ВО ШУМАТА

Опис на активноста која можете да ја реализирате заедно со вашите деца кои се на возраст од 2 до 3 години.

Потоа следи читање на текстот „Велигден во шумата,,. Следи разговор за неа во вид на прашања и кратки одговори – (кој е ова- покажете на сликата, што бара верверичката, кој му даде на ешко јајца за фарбање…..)

Велигден во шумата

Учествуваат: раскажувачот, зајак, верверичка, еж и сојка.
Сцена: шумска полјанка или падинка пред велигден
Раскажувачот (кон публиката)- Денес уште рано-рано, само што пукна зората, шумскиот поштар Зајко Зајков-радосна вест разнесе низ гората. Како и зошто, сега ќе видите. Само ве молам, мирни да бидете!
Зајакот-Доаѓа Велигден. Ене го на прагот. Внимавај и не заборавај жив шумски свету…Јајца за велигден да вапсаш. Да набереш здравец цвете!
Раскажувачот-оваа радосна вест, верверичката прва ја слушна. Ги разбуди своите дечиња, ги погали и нежно ги гушна…Потоа со кошничката во рака, скокајќи од гранка на гранка, дојде да побара јајца од нејзината сосетка фазанка!
Верверичката (кон фазанката) –Добро утро, сосетке мила. Ти отсекогаш кон мене добра си била…Велигден знаеш, веќе е на прагот. Сигурно и тебе тоа ти е драго. Ете, тоа е, сосетке, причината да ми дадеш неколку јајца за дечињата.
Фазанката – Од несење јајца, сосетке, верувај, веќе папсав. И јас на моите дечиња сал десетина им вапцав. Гнездото вчера, верувај ми, ми го нападна дивата мачка. Десетина јајца ми украде и дрдоливата страчка. да не речеш дека со тоа сакам да се „вадам“. Еве колку имам, толку ќе ти дадам! (и дава јајца)
Верверичката (радосно) – Многу ти благодарам, мила…Отсекогаш дарежлива си била. Многу ќе ми ги израдуваш дечињата. Нека ти се живи фазанчињата.
Ежот (кон фазанката) -Лична и преубава, сосетке. Моето искрено почитување…Дај ми и на мене некое јајце, време е за вапцање. Пред малку бев да побарам од твојата сосетка еребицата. Ама се расплака кутрата, сите и ги изела лисицата…
Фазанката (исплашено) – Не спомнувај ми ја,те молам! Ќе почнам од страв да се тресам..јајца во моментов немам,но дојди подоцна ќе снесам…
Ежот-Ти благодарам мила, за ова што го рече. Се надевам дека ќе снесеш до вечер. Штом е така, еве, ќе си појдам. Но штом ќе падне мракот, пак ќе дојдам.
Раскажувачот-Но дотрча Зајко, и еве што му рече:
Зајко -Еј ,Ешко Таралешко, не чекај до вечер. Ајде појди кај онаа желка. Поздрави ја од мене и колку јајца сакаш-толку ќе ти даде. Ги чува закопано вземи. Никој не и ги краде.
Сојката – Еј, Ешко. Дојди тука! Еве ме, кај старата бука. И јас како страчката понекогаш крадам. Ама од моиве еве, јас ќе ти дадам. Дамчести се. И мошне мали. Но секој што ги пробал, од срце ги фали. Можеби и не треба да се вапцуваат. Ежињата твои ќе се израдуваат.
Раскажувачот – Сега веќе знаете дека и шумскиот свет Велигден го слави.

• По завршување на овие активности поттикнете го вашето дете да офарба варено јајце со водени боички,
• Доколку имате сликички со мотиви на Велигден од разни списанија заедно со детето направете си своја приказна,
• Подолу ви се дадени примери кои доколку сте во можност да ги испринтате можете да му ги понудите на вашето дете и да бои.

Со реализацијата на овие активности ќе поттикнеме во стекнување на вештини за конверзација каде детето стекнува навика да не слуша додека му читаме, отпочнување разговор со детето во врска со приказната и одговара соодветно на прашањето кое сте му го поставиле.
Со овие активности се развива и љубопитноста, посветеноста и креативноста кај детето.

Се надеваме дека ви се допадна денешната активност, а Вашето дете стекна основни сознанија за празникот Велигден