Врз основа на програмата за ран детски развој и планот на нашата градинка, за возрасна група деца 4 до 6 години, денес ја обработуваме темата со наслов:
ТОПЛА ОБЛЕКА- СС “КАПУТЧЕТО НА МИМИ“
Цел на активноста
- Препознавање ма информациите, идеите, настаните во облик сличен на оној кој го слушнале;
- ефикасно и сигурно цртање на шари со различна дебелина на фломастери;
- креативност во декорирањето на облеката.
Потребни материјали:
- СС “ Капутчето на Мими “
- готови форми ( капутче )
- фломастери со различна дебелина
- боички
Заедно со вашето дете разгледајте ја дадената слика и водите разговор за топла облека која ја носиме во есенските и зимските денови.
На детето прочитајте му го текстот од СС “ Капутчето на Мими“ , а потоа разговартајте за содржината на приказната , детето дава одговори на поставените прашања.
Доколку сте во можност испечатете готова форма – капутче, или нацртајте капутче , детето самостојно со боички да го обои , а потоа со фломастери со различна дебелина да го декорира со различни шари.
Со реализација на оваа активност кај децата се развива љубопитноста и креативноста ,децата ги проширија своите сознанија за топла облека .
ЗАЕДНО ДА УЧИМЕ НИЗ ИГРА.