Објект “Ташко Караџа “ е лоциран на улицата Радишанска, б.б.  во населбата Радишани. Објектот е со капацитет од 180 деца, корисна површина од 2200 м2 и дворна површина од 4000 м2. Овој објект располага со 9 занимални со спални и санитарни јазли, една сала, 3 канцеларии, една соба за здраствен персонал, една тријажа, 2 чајни кујни, една котлара, една перална – пеглара, 4 санитарни јазли за возрасни. Објектот е на сопствено парно греење со нафта. Во склоп на овој објект е и проширениот дел кој располага со: 5 занимални со санитарни јазли, чајна кујна, една соба за здраствен персонал, една канцеларија, еден тоалет за возрасни, ходник, приемен дел. Објектот е со капацитет од 120 деца. Во најава е опремување на сензорна соба.

• локација: ул. Радишанска б.б.
• населба: Радишани
• внатрешна површина: 2.200 м2
• дворна површина: 4.000 м2
• вкупна површина: 6.200 м2

Внатрешниот простор ги задоволува стандардите за успешно изведување на воспитно-образовниот процес. Станува збор за негувана и стимулирачка средина која им помага на децата да се развијат во сигурни и независни личности. Во занималните постојат катчиња или центри за активност како тематски структуриран простор кои нуди можност да децата учат на најразлични начини и ги реализираат индивидуалните и групни цели на учење: литературен центар; математички центар; центар за игри со конструктивен материјал; научен/истражувачки центар; уметнички центар; центар за игри со улоги, драматизација, куклени претстави; центар за изложување на детски творби.
Градинките поседуваат дворна површина која е добро одржувана и се користи за остварување на програмските содржини но и за игра и рекреација на децата.

Градинката нуди целодневен и полудневен престој на деца.
Целодневен престој e од 6.00 – 18,00 часот и го следи следниот ориентациониот распоред на денот :

• прием на децата и слободни активности (игри по избор на децата)
• утринска гимнастика
• појадок
• реализација на дневно планирање
• ужина
• реализација на дневно планирање
• прошетки, набљудување и престој на воздух
• ручек
• попладневен одмор – спиење
• ужина
• реализација на дневно планирање
• слободни игри
• средување на занимална
• заминување на децата

Секоја возраст има свој ориентационен распоред на денот

Полудневен престој е од 6,00 – 13,00 часот и ориентационо го има следниот распоред:
прием на децата и слободни активности

• утринска гимнастика
• појадок
• реализација на дневно планирање
• ужина
• реализација на дневно планирање
• прошетки , набљудување и престој на воздух
• ручек
• заминување на децата