„16-ти Октомври“ – Светскиот ден на храната е одбележан со низа активности во сите објекти на ЈОУДГ „11 Октомври“ – Бутел. Дечињата со своите учителки го посетија зелениот пазар, правеа овошни салати и подготвуваа зимница во тегли од разни зеленчуци, истовремено запознавајќи се со зеленчукот и овошјата и нивното значење во исхраната на луѓето. Храната е основата на животот и камен темелник на човековата култура. Одбележувањето на овој ден има за цел да се нагласи важноста на храната за животот и опстанокот на луѓето.