Qëllimi i aktivitetit:

• Zhvillimi dhe përvetësimi i shprehisë së përshëndetjes kulturore kur takohen dhe ndahen me fëmijë dhe të rritur.

Materiali i nevojshëm:

• Vendosja e fotografive,
• teksti i vjershës

Bisedoni me fëmijën tuaj për sjelljet kulturore dhe përshëndetjet kur takoni një shok, fqinj ose njeri të njohur. Nxiteni të mendojë dhe të ndajë me ju se si shokët e tij përshëndesin njëri-tjetrin, a e di ai se si përshëndet gjatë ditës, çfarë fjalësh përdor kur përshëndetet. Shpjegojini atij se si të përshëndes dikë në mëngjes – “mirëmëngjesi” gjatë ditës “mirëdita” dhe në mbrëmje “mirëmbrëma” Kur të bëhemi gati për të fjetur urojmë “natën e mirë”. Kur largoheni, gjithmonë thoni “lamtumirë”. Bëhuni një shembull për fëmijën tuaj, përshëndetni fqinjët dhe të njohurit dhe përshëndeteni me zë të lartë. Fëmija do të arrijë shprehi të përshëndetet dhe të përdorë saktë fjalët e përshëndetjes.

Lexoni fëmijës poezinë dhe diskutoni për përmbajtjen e saj.
Nëse fëmija tregon interes, ai mund ta mësojë poezinë përmendësh dhe ta recitojë atë në mënyrë të pavarur. Për ta arritur këtë, duhet të lexoni disa herë përmbajtjen e poezisë dhe fëmija ta përsërisë atë me ju.

PËRSHËNDETJE

Mirëmëngjes! Mirëmëngjes!-
Çdo mëngjes them unë.
Miërdita! – në mesditë
Përshëndes gjithmonë.
Me mirëmbrema përshëndetemi
Mbrëmja kur të vjen.
Gjatë ndarjes me mirupafshim
Ti lumturinë ndjen.
Në gjumë kur të shkosh,
Nënë, babin përqafo.
Natën e mirë – thuaj
Natën e mirë – dëgjo.

Shpresojmë që të kënaqeni me aktivitetet e përbashkëta dhe që fëmija juaj të zhvillojë një shprehi të përshëndetjes kulturore dhe të drejt kur vjen ose shkon nga kopshti, takon fëmijë dhe të rritur.

Duke inkurajuar fëmijën tuaj që të mësojë poezinë përmendësh, e zhvilloni aftësinë për të mbajtur mend përmbajtjen e dhënë dhe për të forcuar kujtesën.