Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:
СПЕЦИЈАЛНИ ВОЗИЛА ЗА 3 ДО 4 ГОДИНИ
Цели на оваа активност се:
- Проширување на знаењата,
- поврзување на старото со ново знаење,
- повторување на геометриските форми, поттикнување на креативност,
- стекнување на сознанија за специјални возила и нивна намена.
За реализација на оваа активност ќе ви биде потребно:
- Листови во боја или бели листови, ножички, лепило, дрвени или водени боички, картонска кутија, празни тетрапак амбалажи.
Опис на активноста која можете да ја реализирате заедно со вашите деца кои се на возраст од 3 до 4 години.
Започнете ја активноста така што ќе му пуштите на детето преку интернет звуци од различни видови на специјални возила и објаснете му во кои прилики се употребуваат тие, како на пример звук на возило од брза помош, пожарна, полициски автомобил.
Обидете се потоа на креативен начин да конструирате едно од наведените специјални возила по заеднички избор со детето. Поттикнете го да размислува како тие возила се разликуваат од останатите автомобили.
Разговарајте со децата за тоа какво превозно средство представува пожарна, потоа исечете делови за пожарна во вид на геометриски форми, поттикнете го детето да ги именува формите (круг, триаголник, квадрат,правоаголник) потоа составете пожарна и дозволете му на детето самостојно да се обиде да ги залепи на лист хартија.
ЗАЕДНО ДА УЧИМЕ НИЗ ИГРА