Врз основа на програмата за ран детски развој и планот на нашата градинка, за возрасна група деца 2 до 3 години, денес ја обработуваме темата со наслов:
Сообраќајни превозни средства на копно – Копнен сообраќај
Цели на оваа активност се:
- Запознавање, препознавање и именување со сообраќајни превозни средства на копно како и стекнување на основни знаења за семафорот и неговата функција.
- Развивање на фината моторика на дланките и прстите користење на креативноста во секојдневните активности водени преку пристапот на учење и моторниот развој на децата.
За реализација на оваа активност ќе ви биде потребно:
- Слики од превозни средства на копно,
- Сообраќаен знак – семафор, крстосница, семафор и пешачки премин (зебра),
- картонска празна кутија,
- листови во боја,
- лепило,
- ножички,
- водени бои,
- фломастери или дрвени боички,
- играчки автомобили.
Опис на активноста која можете да ја реализирате заедно со вашите деца кои се на возраст од 2 до 3 години.
Никогаш не е премногу рано да ги научиме децата правилата во сообраќајот сообраќајните знаци и превозните средства воедно и никогаш не е премногу рано да ги научиме децата како да внимаваат на себе и својата безбедност и да ги научиме основните правила во сообраќајот и како и видовите на копнениот сообраќај.
Со детето разгледувајте разновидни сликовници и слики и разговарајте по нив односно со нивна помош поттикнете го детето да ви покаже што каде се наоѓа автомобилот а каде семафорот, поставувајте му едноставни и кратки прашања:
– Каде е автомобилот, по што, каде вози, какви звуци испушта додека работи односно на детски јазик што тој прави и како прави неговата сирена ( тит – тиит ), какви автомобили по големина постојат посочете му дека има големи и мали.
Разговарајте за семафорот колку бои, која боја што покажува на пример за црвено користете го зборот СТОЈ за жолто ПОДГОТВИ СЕ и на зелено ПОМИНУВАМЕ и тоа секогаш на пешачки премин поттикнете го детето да ви ги покаже и охрабрете го да ги именува истите.
За да биде активноста и поинтересна но и детето да ја покаже својата истрајност и креативност заедно со него нацртајте семафор исечете кружни форми со боите на семафорот и поттикнувајќи и насочувајќи го посочете му каде треба да ги залепи истите со тоа што на обележаните места веќе ќе имате обележано со соодветната боја, направете мала раскрсница од картонска кутија и на неа вежбајте ги правилата на преминување на пешачки премин. Секогаш поттикнувајте охрабрувајте и мотивирајте.
ЗАЕДНО ДА УЧИМЕ НИЗ ИГРА