Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:
СОНЦЕ ВО ОБРАВЧИЊАТА НА ЛИЛЕ
Цели на оваа активност се:
- Разбирање и објаснување или интерпретирање на информациите врз основа претходно стекнати знаења или добиени информации.
- Внимателно слушање и разбирање на содржината на приказната.
- Збогатување на детскиот речник.
За реализација на оваа активност ќе ви биде потребно:
- Серија слики
- Слика
- Ликовен прибор (восочни или дрвени боици, фломастери)
- Јагоди
Лето- годишно време кое плени со многу убавини, мирисот на расцутените цвеќиња , мирисот на зелената трева, звукот на птиците и инсектите се е прекрасно . Тука се и овошните плодови кои никој не може да им остане рамнодушен ниту возрасен ниту дете.
Поразговарајте со Вашето дете за овошјето кое зрее во лето , начинот на негово консумирање и потребата од миење на овошјето пред јадење. Начини на негова подготовка во колачи, салати, шејкови, сладоледи, слатки, компот. При разговорот особен акцент ставете на јагодите, каде растат , боја, облик, изглед.
- Обработка на приказната„ Сонце во обравчињата на Лиле „Заедно со вашето дете разгледајте ги сликите (01, 02, 03, 04, 05). Поттикнете го детето да ви раскаже што гледа на следните слики
Откако ќе ги разгледате сликите прочитајте му го текстот од приказната на Вашето дете.
По завршувањето на овие активности поразговарајте со вашето дете дали му се допадна приказната поставете му прашање во врска со истата.
Доколку дома имате јаготки заедно со Вашето дете направете овошна салата од јаготките , додека ја приготвувате салатата разговарате од придобивките при консумирање на овошјето , како и најважното пред да ги консумирате мора прво добро да се измијат со вода.
Понудете му на вашето дете да обои јаготка. Подолу ви се дадени примери доколку сте во можност да ги испечатите.
Со реализација на овие активности детето стекнува навика да не слуша додека му читаме, отпочнувате разговор со детето во врска со приказната и одговара соодветно на прашањата кое сте му го поставиле. Со помош на овие активности се развива љубопитноста и креативноста кај детето.
Се надеваме дека ви се допадна денешната активност, а Вашето дете стекна сознанија за овошните плодови кои зреат во лето, начинот на нивно правилно консумирање и придобивките кои ги имаме од консумирање на истите.
Во интерес на Вашето дете е да ги следите нашите објави
ЗАЕДНО ДА УЧИМЕ НИЗ ИГРА.