Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:
СЛИКАЊЕ СО СЛАМКА
Цели на оваа активност се:
- Запознавање со најразлични ликовни техники и материјали како и поттикнување на чуство на слобода при истражување и ликовно изразување.
За реализација на оваа активност ќе ви биде потребно:
- Бели листови,
- Фломастери,
- Пластични цевки,
- Водени боички, вода,
- Четка за боење.
На даден бел лист цртаме ликови (детски) можете да го поттикнете и вашето дете самостојно да нацрта лик. Од како ќе биде нацртан ликот со дрвена четка истураме по неколку капки од водените бои на горниот дел на главата на ликот. Потоа со помош на пластична цевка детето дува во капката боја на листот, со дување на цевчињата боите се разлеваат низ листот правејки се како коса во повеќе бои на ликот, ќе направите прекрасен цртеж. Во прилог подоле можете да погледнете слики како полесно да ја реализирате активноста.
