Цели на оваа активност се:

• Идентификација на сопственото име
• Развивање на свеста за сопственото тело
• Визуелно препознавање на себе си
• Развој на поимот за себе

За реализација на оваа активност ќе ви биде потребно:

• Слика со огледало,
• Огледало

Дајте му на вашето детенце огледало нека се огледува во него и поттикнете го да ви кажува што гледа. Нека детето со ликот искажува разни емоции гледајќи се во огледалото, нека ви  ја каже емоцијата.

Потоа спонтано и ненаметливо преку индивидуален пристап на огледалцето кажувајте му го своето име гледајќи се во него и низ игра побарајте и детето да го направи истото.

Продолжете да се гледате во огледало и да си ги идентификувате носот, устата, очите, деловите на телото итн. покажувајќи ги на себе но и на детето.

Поттикнувајте ја позитивната емоција кај своето дете побарајте да се насмевне и во огледалцето да ги покаже ”убавите и насмеани обравчиња “.