Врз основа на програмата за ран детски развој и планот на нашата градинка, за возрасна група деца 4 до 6 години, денес ја обработуваме темата со наслов:
РАЗГЛЕДУВАЊЕ СЛИКОВНИЦА ЗА Р.С.МАКЕДОНИЈА
Цел на активноста
- Детето ги идентификува и препознава убавините на својот роден крај,
- поттикнување на развојот на културен и национален идентитет ,
- запознавање со името на својата држава, името на својот град.
Потребен материјал:
- Слики,
- апликации,
- сликовница,
- бел лист,
- боици.
Активноста започнете ја со разговор со Вашето дете за нашата татковина, како се вика, кои места сте ги посетиле заедно , имињата на неколку поголеми градови вклучувајќи го и градот во кои живееме.
Откако ќе завршите со разговорот со Вашето дете разгледајте ги понудените слики. Разгледувајте и разговарајте што има на сликите, за кој град се работи по што е препознатлив тој град.
Може да се послужите и со разгледници и сликовници за Р.С.Македонија ако ви се наоѓаат во вашиот дом.
- СКОПЈЕ
- БИТОЛА
- ПРИЛЕП
- ОХРИД
- ПРЕСПА
picture of a Big Lake Prespa, Macedonia
- ДОЈРАН
- КРУШЕВО
Откако ќе ги разгледате сликите понудете му на Вашето дете да го нацрта и да го обои знамето на нашата татковина.
Пред да започнете со цртањето и боење на знамето потрудете се да му објасните на Вашето дете за симболите на Р.С. Македонија кои претставуваат националните обележја на државата и народот (знаме, грб, химна).
Химна на Р.С. Македонија
Во чест на роденденот на нашата татковина да се потрудиме да научиме и една стихотворба .
Татковино
Татковино наша убава
Мајско цвеќе мое
Растеме во мир и среќа
Под знамето твое
Весело е детството наше
И слободно сонце не грее
Затоа татковино наша
секое дете песна ти пее.
Се надевам дека ќе уживате во заедничките активности, а кај вашето дете ќе се развие чуството за национална и културна припадност.
Во интерес на Вашето дете е да ги следите нашите објави.
УЧИМЕ НИЗ ИГРА!
Се надеваме дека понудените активности ви се допаднаа.