ВРЗ ОСНОВА НА ОПЕРАТИВЕН ПЛАН ЗА АКТИВНОСТИ ВО УСТАНОВИТЕ ЗА ЗГРИЖУВАЊЕ И ВОСПИТАНИЕ НА ДЕЦА ПО УКИНУВАЊЕ НА ВОНРЕДНАТА СОСТОЈБА ДОНЕСЕН ОД СТРАНА НА ВЛАДА НА РЕПУБЛИКА СЕВЕРНА МАКЕДОНИЈА

П Р О Т О К О Л

ЗА РАБОТА НА ВОСПИТНО – ЗГРИЖУВАЧКИ КАДАР

1. Секој вработен да носи задолжително лична заштитна опрема (маска) кога е на работното место;
2. При влегување на вработените во установата задолжително мерење на температура со безконтактен термометар од страна на задолжено лице и задолжително миење или дезинфекција на рацете;
3. После мерење на температурата задолженото лице да ги запише добиените резултати во претходно изготвена табела;
4. Забрането користење на мобилен телефон за време на работа.
5. При доаѓање на работно место во објектот вработениот е должен да го стави на нечујно својот мобилен телефон и да го остави во својата чанта. Доколку е потребно истиот може да го користи само за време на пауза;
6. Секој вработен има обврска да го следи сопственото здравје и при било какви симптоми на болест да го извести одговорниот воспитувач и директорот и ако во тој момент е на работното место веднаш да го напушти;
7. Да се одржува физичка дистанца на работното место и вон него;
8. Забрането е собирање и меѓусебни контакти на вработените во заеднички простории, а за време на пауза да се почитува пропишаната физичка дистанца и да се избегнува контакт со лица од други воспитни групи;
9. При прием на децата задолжително мерење на температура со безконтактен термометар и задолжително миење на раце со вода и сапун;
10. Доколку при прием детето има повишена телесна температура да се не се прима;
11. Да се следи состојбата на децата во текот на престојот во установата;
12. Мерење на температура на децата, освен при прием, ќе се врши дополнително два пати во текот на денот и ќе се води евиденција во претходно изготвена табела;
13. Во случај на здравствени промени кај згрижените деца, да се превземе следново:

• во случај на промена во здравствената состојба (зголемена температура) детето да се изолира во просторијата за изолација и веднаш да се извести родителот/старателот, медицинската сестра, одговорниот воспитувач и директорот.
• Се препорачува мерењето на температурата да биде со безконтактен термометар, доколку температурата на телото се мери со обичен термометар, потребна е дезинфекција на термометарот како и миење или дезинфекција на рацете;
• Да се провери здравјето на другите деца во групата и да се изолираат сите сомнителни случаи;

14. Во случај на потврда на инфекција со COVID – 19, да не се користи местото каде што престојувалo лицето, да се извести одговорен воспитувач и директор кој ќе ја извести надлежната епидемиолошка служба во ЦЈЗ која ќе даде понатамошни насоки за функционирање на установата;
15. Да се практикува често миење на рацете со вода и сапун и посебно внимание да се посвети на потребата од засилени хигиенски мерки во случај на миење, хранење, држење во раце на децата и слично;
16. При менување на пелени во помалите групи, строго да се почитува постапката за одржување на хигиената на рацете пред и после менувањето и отстранување на пелени. После промена на пелена, да се изврши миење на рацете на детето, како и миење и дезинфекција на површини и конечно миење на рацете на вработениот по постапката;
17. Да се воведе задолжително миење на рацете на децата со вода и сапун при прием и почесто миење во тек на денот, а задолжително после кивање, кашлање, плачење, пред и после консумирање храна и одење во тоалет;
18. Да се воведе задолжителен надзор на децата при миење на рацете;
19. Доколку е возможно, децата од воспитната група да го користат исклучиво тоалетот на нивната занимална;
20. Да се обезбеди растојание од 1,5 – 2м помеѓу масите за седење на децата;
21. Храната до занимална ќе биде доставена од страна на вработените во кујната, а од пред занимална ја превзема негователот и ја сервира на децата;
22. При јадење да не се дозволува децата да споделуваат храна едни со други;
23. По завршување на оброкот (појадок, ужина, ручек, ужина) негователот ги собира садовите, ги става на количка и ги изнесува пред занимална;
24. Пред и по оброк негователот да ги избрише масите и да изврши дезинфекција со средстава кои што ќе ги имаат на ниво на група;
25. Кога се користат средства за дезинфекција, да се земе во предвид правилната примена во согласност со упатствата на производителот во врска со целта, концентрацијата, начинот на употреба и потребното време за контакт;
26. Средствата за дезинфекција да се чуваат надвор од дофат на децата;
27. Да се извести задолженото лице на ниво на објектот доколку на влезовите има потреба од дополнување на дезинфекционо средство;
28. Да не се користат играчки што не се перат и дезинфицираат, особено меки играчки (платнени, плишани) и истите да се отстранат од групите – занималните;
29. Да не се мешаат играчки помеѓу воспитни групи и деца, пред да се измијат и дезинфицираат.
30. Да се воспостави јасна постапка за миење, дезинфекција и отстранување на чиста и „валкана“ – користена играчка за да се спречи вкрстувањето;
31. Редовно, во согласност со временските услови да се отвараат прозорците, особено во просториите за деца. Да не се користи вештачка вентилација (клима);
32. Да се спроведуваат засилени воспитни активности со деца, со цел да се олесни разбирањето и усвојувањето на новите правила за заштита од вирусите и да се створат навики кај децата за лична хигиена:

• за важноста на често и правилно миење на рацете (минимум 20 секунди – на пр. со песна),
• кашлање и кивање во подлактицата
• за просторна дистанца за која треба да се размислува преку игра на деца – ставете ги да седат на растојание едни од други – на пр. да вежбаат да ги истегнуваат рацете и да ги мавтаат како крилја за да не се допрат,
• да избегнуваат да го допираат лицето и др.;

33. Се препорачува да се избегнуваат игри и активности во кои има контакти, игри со топки како и размена на лични предмети, играчки и сл;
34. Се пpепорачува да се организираат што е можно повеќе активности на отворено во мали групи до 10 часот во летниот период;
35. Активностите во дворот да се реализираат така што ќе се избегне меѓусебен контакт на различни воспитни групи на деца во исто време;
36. Да не се спроведуваат организирани групни активности во објектот (настани и сл.), како и организирана посета на места каде што се очекува да се соберат голем број на луѓе (кина, театри и сл.);
37. Пижамите за спиење и другата потребна резервна облека за детето (памперс, гаќички, маица и друго) родителите да ја донесат во петок.
38. Пасивен одмор:

• Спиењето да се организира така што децата да бидат поставени на креветите според принципот „нозе – глава“ со препорачано растојание од 1,5 – 2м,
• Да се обезбедат единечни кревети и по 2 постелнини за секое дете, и истите да бидат обележени со име на детето,
• При спуштање и кревање на креветите од страна на негователите строго да се води сметка да не се мешаат постелнините;
• Пижамите на децата да не се чуваат заедно на едно место, да бидат ставени посебно за секое дете.

39. Се забранува влегување на други возрасни лица освен одговорните лица на групата;
40. Да се контролираат причините за отсуство на деца, да се контактира со родителите, а доколку е потребно да се извести одговорниот воспитувач и директорот;
41. Вработените се должни при првиот прием на детето од родителот/старател, да побараат:

• Пополнета Изјава изготвена од Установата, за потребите на истата;
• Лекарска потврда од матичен лекар за здравствената состојба на детето;
• Потврда/и од самохран родител/старател или од двата родители/старатели, дека работните задачи задолжително мора/ат да ги извршува/ат на работното место, без можност за работа од дома

42. Доколку родителите ги немаат потребните документи детето да не се прима.

ЈОУДГ „11 Октомври“, Бутел-Скопје