Цели на оваа активност се:

• да се оспособи за користење различни материјали, алатки, инструменти, предмети и други достапни ресурси за ликовно изразување на сопствените креативни идеи и чувства;
• да се поттикнува кон разни видови креативност;
• да се развива вештината за движења на прстите и дланката за конкретна цел;
• да се развива способноста кај детето да превиткува хартија;

Стандарди:

• Детето може да ја користи својата креативност во секојдневните активности;
• Детето може да воспостави контрола на движењата на дланките и прстите.

За реализација на оваа активност ќе ви биде потребно:

• бела хартија,
• памук,
• боички,
• течно лепило,
• декоративни украси,
• шпатула;

Краток разговор за годишното време лето и омилениот десерт за децата во ова годишно време, објаснување на постапката како се прави сладолед.

Денес детето нека направи само свој сладолед од хартија и памук. Прво исечете триаголно парче од хартијата и обојте го во кафеава боја, а потоа помогнете му на детето да ја свитка хартијата како корнет. Залепете ги краевите.

Потоа од памук нека обликува топки. Нека става во корнетот од топките и нека ги украсува со најразлични декоративни украси – парченца хартија во боја, исечкани цевки, светки. Наместо памук, може да се употреби и пластелин или обична хартија која детето ќе ја стутка во облик на топка.
Може да направите и сладолед на стапче, за што ќе употребите хартија во боја и шпатула.

Детето нека украсува според својата креативност, нека сечка, лепи, украсува и нека си го направи својот омилен сладолед.

Со помош на овие активности се развива љубопитноста и креативноста кај детето. Како и јакнење на фината моторика кај детето, истрајноста и упорноста.

Се надеваме дека ви се допадна денешната активност.

Во интерес на Вашето дете е да ги следите нашите објави

ЗАЕДНО ДА УЧИМЕ НИЗ ИГРА.