Дечињата од големите воспитни групи од нашата градинка ЈОУДГ “11 Октомври” – Бутел, Објект Бутел 1 присуствуваа на едукативната работилница “Фамилија Металковци” во камерната сала на Филхармонија. Ваквите едукативни интерактивни работилници и концерти се редовна практика на Филхармониите насекаде низ светот. На работилницата беа претставени металните дувачки музички инструменти се со цел запознавање на најмладата публика со музичките инструменти, нивниот звук и генерално со она што претставува класична музика. Со ваквите музичко-едукативни работилници се регрутира нова публика, потенцијални идни слушатели и почитувачи на класичната музика.