Цели на оваа активност се:

• Да спортуваме, да се движиме на чист воздух,
• Воочување на промените на ден и ноќ,
• Поттикнување на љубопитност, креативност и иницијативност.

Стандарди

• Детето може да ги контролира деловите на телото
• Детето може да ракува со играчки и разни предмети за општа употреба.
• Детето може да зборува и комуницира.

Потребен материјал:

• темперни бои,
• четка,
• пластичен тањир.

Се започнува разговор за тоа што правиме преку ден, а што преку ноќ. Преку ден одете со детето на прошетка во блискиот парк, на лулашки, на планина, гледајте и уживајте во сонцето.

Кога е ноќ може да читате или раскажувате заедно со вашето дете некоја приказна и да се подготвувате за спиење.

Може да демонстрирате слики од сонце и така да му претставите поим за ден и слика со месечина и ѕвезди -ноќ.
Доколку сте на место каде има снег убаво е да уживате во убавините на снегот преку ден да правите снешко или во ноќта.

Во домот може да ја играте играта Ден и Ноќ .Кога е ден ќе застанете исправени ,а ноќ ќе клекнете долу. Играта буди позитивни емоции кај детето.
Нацртајте сонце и обојте го со темперни бои или изработите го од пластично тањирче и жолта хартија во боја.

Може на црна подлога да ја претставите месечината и ѕвездите и да креирате снешковци.