Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:
ПЧЕЛАТА БИЗИ
Цели на оваа активност се:
- Запознавање со инсектите (пчела) и воочување на примери за грижливо однесување кон околината и средината.
Стандарди:
- Детето може да научи нови работи и да стекне нови искуства.
- Детето може да зборува и комуницира
Активноста ја започнувате со разговор за пчелата како инсект, кој е највреден и кој оди од цвет на цвет и собира сладок мед. Им кажувате дека таа е единствениот инсект што произведува храна што ја конзумираат луѓето.
Пчелите се најпознати и важни во нивната улога во опрашувањето на растенијата а истовремено за производство на мед и восок. Ги прашувате дали и каде виделе пчела, како изгледа, кои се боите на пчелата. Потоа им ја читате с.слики „Пчелата Бизи“.
Активноста ја завршувате со стихотворба за пчелка и изработка на пчелка со материјали со кој располагате по дома.
Пчелка
Јас сум пчелка вредна и
не сум само една,ние
сме цел ред собираме мед.
Зум, зум, зум, зум, зум, зум,
штом светне сончев зрак,
зум, зум, зум, зум, зум, зум,
тргнуваме ние пак.
Колку е убав овој свет,
да бакнеш еден розов цвет,
да собираш сладок мед
Од цвет на цвет по ред.
