Врз основа на програмата за ран детски развој и планот на нашата градинка, за возрасна група деца 4 до 6 години, денес ја обработуваме темата со наслов:
ОВОШЈЕ
Цел на активноста
- Идентификување, именување и опишување на овошјето,
- стекнување сознанија за ползата од растенијата како и нивната хранливост во исхраната.
Потребен материјал:
- Сезонско овошје
Заедно со детето разгледајте ја сликата на која е преставенo овошјето и поттикнете го да препознае и именува што гледа на сликата. Објаснете му дека овошјето е богато со хранливи материи и витамини кои се многу важни за нашиот организам и потребно е редовно да е застапено во нашата исхрана.
Доколку има интерес на детето покажете му ја сликата каде расте и како се одгледува овошјето (овоштарник). Потенцирајте му дека е многу битно овошјето добро да се измие пред да се употребува или јаде.
Вклучете го вашето дете во подготовката на овошни салати или компоти. Поттикнете го детето да ви го опишува овошјето (боја, форма, мирис, вкус…), да споделува со вас свои размислувања за разни видови на овошје.
Сега е време на подготовка на зимница. Можете и вашето дете да го ангажирате да ви помага во подготовките на разни компоти и слатка од овошје.
Доколку детето не сака да јаде овошје бидете креативни и од овошјето направете разни форми и ликови кои ќе бидат интересни и ќе го поттикнат детето да јаде.
Уживајте во заедничките активности .
ЗАЕДНО ДА УЧИМЕ НИЗ ИГРА.