Врз основа на програмата за ран детски развој и планот на нашата градинка, за возрасна група деца 4 до 6 години, денес ја обработуваме темата со наслов:
МОЕТО СРЦЕ, ЗА ДЕЦАТА ОД СВЕТОТ
Цел на активноста
- Развивање интерес за експериментирање со со темперни бои.
- Елементарни сознанија за тоа што е печатење контролирано. држење на раката и отпечатување.
- Стекнување на фината моторика кај децата .
- Поттикнување на самостојност во секојдневните активности, ментална, емотивна и физичка спретност за активноста.
- Вештина во реализација на активностите.
Потребен материјал:
- Дупчалка
- Темперни бои
- Лист со контура од срце
- Печат сунѓер
- Врвки
- Листови во боја
- Ножички
Децата во овој период од развој , почнуваат да покажуваат особен интерес кон откривање на нови работи и имаат свој индивидуален пристап кон одредени нешта .
Активноста започнете ја со разговор со Вашето дете за дечињата од целиот свет ,дајте му до знаење дека сите деца од целиот свет се еднакви и имаат еднакви права без разлика каква им е бојата на нивното лице, на кој јазик зборуваат,каква храна јадат , како се облекуваат , на која култура припаѓаат.Најважно за сите деца е меѓусебно дружење и подарување љубов кон сите деца од целит свет.
Откако ќе завршите со разговор поттикнете го вашето дете да направи свој труд за децата од светот со помош на печатење.
- Разговарајте и запознајте го детето со потребните матријали како и со техниката на печатење, објаснете му ја постапката со цел да имаме успешнен детски труд (слика 01).
- Во пластичен подлабок сад ставете темперна боја по избор на Вашето дете,потоа со сунгер печат- цвет или може и друга форма го валкаме печатот во темперната боја.
- Потоа со печат од неа на лист бел хартија на која има нацртано контура од срце печатиме цвет (слика 02 и 03).
- Откако ќе го испечатиме целото срце со цветови или пак друага форма на печат сунѓер го оставаме трудот да се исуши.Откако ќе се исуши со фломастер го пшувате името на Вашето дете. Ова срце припаѓа на….. и го подарувам на децата од целиот свет(слика 04 и 05)
- Откако ќе завршите со првата активност поттикнете го Вашето дете да нацрта срце на лист хартија во боја и истото со помош на ножички да го исече.Откако ќе го исече срцето на истото со помош на дупчалка да направи дупче и во дупчето да вметне конче. (Во оваа активност потребна е помош од родител.)
Истото срце нека го подари на своето најдобро другарче .
Со релизација на овие активности ќе ја поттикнеме и развиеме љубопитноста и креативноста кај вашите деца. Како и јакнење на фината моторика кај детето, истрајноста и упорноста.
Се надеваме дека уживавте во заедничките активности а Вашето дете стекна сознанија за техниката печатење, како и за љубовта што треба да ја има кон другите деца.
Во интерес на Вашето дете е да ги следите нашите објави.
УЧИМЕ НИЗ ИГРА!
Се надеваме дека понудените активности ви се допаднаа.