Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:
МОДЕЛИРАЊЕ СО ХАРТИЈА
Цели на оваа активност се:
- Кооперативност, откривање на разни ликовни можности на матријалите и нивна употреба на повеќе начини.
- Воспоставување контрола на движење на дланките и прстите.
За реализација на оваа активност ќе ви биде потребно:
- ролна од тоалетна хартија,
- салфета,
- лепило,
- бел лист хартија,
- водени или темперни бои.
Разговор со децата како можеме да ја употребиме хартијата што ни се наоѓа дома и да направиме некоја креативна изработка „Моделираме дрво со цреши“.
Ролната ја сечеме на пола ја лепиме на бел лист хартија го добиваме стеблото на дрвото (слика 01).
Едниот дел на салфетката малку го гужваме и го ставаме во ролната и ги добиваме листовите на дрвото (слика 02).
Потоа со помош на темперни или водени бои ја боиме салфетката во зелена боја (слика 03).
Откако ќе ги обоиме листовите на дрвото чекаме малку да се исуши бојата за да можеме да продолжиме со изработката. Додека се суши бојата кинеме парчиња салфетка и ги туткаме (слика 04).
Потоа со помош на лепило ги лепиме тутканите парчиња салфетка и ги лепиме со помош на лепило (слика 05).
Откако ќе ги залепиме салфетките со помош на темперни или водени бои ги боиме со црвена боја и добиваме цреши (слика 06).
По завршувањето на овие активности поттикнете го детето да ви се пофали за сработениот труд.
Направете и друго дрво со омиленото овошје на Вашето дете.
Со реализација на овие активности ќе ја поттикнеме и развиеме љубопитноста и креативноста ка Вашето дете. Како и јакнење на фината моторика кај детето , истрајноста и упорноста. Развивање интерес за работа со хартија и бои.
Се надеваме дека уживавте во заедничките активности а Вашето дете стекна сознанија за моделирањето на хартија како и добивање на креативни изработки од хартија.
Во интерес на Вашето дете е да ги следите нашите објави.
ЗАЕДНО ДА УЧИМЕ НИЗ ИГРА