Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:
ЛАЛЕ (ОРИГАМИ)
Цели на оваа активност се:
- Развивање на фината моторика на раката,
- Збогатување на сензорно перцептивните искуства,
- Поттикнување на детето за истражување на разновидни материјали.
За реализација на оваа активност ќе ви биде потребно:
- лист од блок,
- листови во боја,
- лепило,
- ножици,
- пластични цевки.
Пролетта е одлична инспирација за креативни активности со деца. Започнете ја забавата дома со правење пролетен колаж, за да ја внесете пролетта во вашиот дом.
Прво разговарајте со вашето дете што се тоа оригами како се прават и од што се прават. Охрабрете го дека тоа воопшто не е тешко, само треба да се потрудиме.
Слика бр.1
Еден од родителите со помош на ножички од листовите во боја нека исече квадратчиња, големината на квадратчињата нека биде ваша одлука.
Слика бр.2 
Слика бр.3
Потоа квадратчето го превиткуваме за да добиеме триаголник (слика 02 и 03). При превиткување на квадратчето на дечињата слободно може да помогне родител.
Слика рбр.4 
Слика бр.5
Откако ќе добиеме триаголник прво ја превиткуваме едната страна на триаголникот нагоре, потоа и другата страна и добиваме лале оригами (слика 04 и 05).
Слика бр.6 
Слика бр.7 
Слика бр.8
Потоа со помош на лепило ги аплицираме лалињата на бел лист хартија, пластичните цевки(стеблото на лалето) и листовите на стеблото (слика 06, 07 и 08).
Откако ќе завршиме со активноста поттикнете го детето да ви ја опише постапката на превиткување на лалето.
Поттикнете го детето да ви опише што гледа на сликите подолу дадени.
Со реализација на овие активности ќе ја поттикнеме и развиеме детската фантазија , креативноста љубопитноста, упорноста и истрајноста кај детето. Како и развивање и јакнење на фината моторика на раката кај детето.
Се надеваме дека уживавте во заедничките активности, а Вашето дете стекна сознанија за превиткувањето на хартијата и добивање оригами , како и за убавините што ни ги дава годишното време пролет.
Во интерес на Вашето дете е да ги следите нашите објави.
ЗАЕДНО ДА УЧИМЕ НИЗ ИГРА.