Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:

КУКЛИ-НАПРСТОЦИ

Куклите им се потребни на децата за учество во обични животни или замислени ситуации односно игри кои добринесуваат за развој и градење на детската личност.

Како играчки во секојдневната детска игра, куклите допринесуваат за запознавање на сопствените можности и изразување на она што го креира детската фантазија, тие се услов за богата, плодна креативна, привлечна и развојно поттикнувачка игра.

На децата им е неопходно да им се обезбедат на располагање кукли кои се функционални и погодни за ракување изработени од материјал кој е практичен и безбеден.

Ви претставуваме неколку идеи за изработка на кукли-напрстоци кои се едноставни за изработка и ви нудат безброј можности за учење и забава преку имитација на некој текст, демонстрација на улоги во домашен мини театар, раскажување на приказни итн.

ЗАЕДНО ДА УЧИМЕ НИЗ ИГРА

Потребен материјал: текстил, игла и конец, лепило, хартија боички, ножички, ракавици.