Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:
„КАКОВ СУМ ЈАС, ТАКВИ СЕ МОИТЕ ИГРАЧКИ“
Цели на оваа активност се:
- развој на способноста за слушање и разбирање на литературната творба,
- препознавање на содржината во облик сличен на оној кој го слушнале
- групирање на предмети во групи користејќи ја релацијата пред-зад во однос на даден предмет.
За реализација на оваа активност ќе ви биде потребно:
- Текст,
- кутија,
- играчки кои се сретнуваат во творбата.
Разговарајте со Вашето дете за неговите играчки: да ги опише како изгледаат неговите играчки, како се грижи за нив, која му е наомилена – како се вика и каде после играта со нив, треба да ги врати играчките.
Обработка на приказната ,,Лили не може да спие,, Заедно со Вашето дете разгледајте ја сликата и поттикнете го да ви раскаже што гледа на неа.
Откако ќе ја разгледате сликата прочитајте му го текстот од приказната на Вашето дете.
По читањето на приказната поразговарајте со вашето дете во врска со текстот во вид на прашања и кратки одговори.
Предлог за игра во која вашето дете ќе стекне основни сознанија за математичките поими пред-зад може да го изведете на следниот начин:
-Земете една пластична кутија и побарајте од детето одредена играчка по ваша желба да ја стави пред кутијата, друга зад кутијата. Играта трае се додека има интерес кај детето.
ЗАЕДНО ДА УЧИМЕ НИЗ ИГРА.