Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:

КАКО СЕ ПОЗДРАВУВА

Цели на оваа активност се:

• Усвојување на културно и учтиво однесување и обраќање, запознавање и негување на културни навики, прифаќање, развивање на емпатичност во односите кон другите

Започнете ја активноста така што ке му појасните на детето дека луѓето се поздравуваат едни со други како знак за почит помеѓу себе и дека на тој начин градиме релации едни со други. Тоа може да биде со прегратка, бакнеж во образ и поздравување со рака. Набројте ги начините како се поздравуваме во текот на денот  „Здраво“, „Добар ден“, „Добра ноќ“, „Среќен пат“, „Убав ден“.

Поттикнете го детето да ви каже и некои негови примери за поздравување. Потоа можете да измислите и испробате некои нови начини на поздравување и со останатите членови од семејството. Како на пример формирајте срце со двете дланки, допир на лактови, допир само со десно стапало, праќање бакнежи во воздух итн.

ЗАЕДНО ДА УЧИМЕ НИЗ ИГРА.