Цели на оваа активност се:

• Развивање и стекнување на навика за културно поздравување при средба  и разделба со деца и возрасни.

За реализација на оваа активност ќе ви биде потребно:

• Поставените слики,
• текст од стихотворбата.

Разговарајте со своето дете за културно однесување и поздравување при средба со свое другарче, сосед или позната возрасна личност. Поттикнете го да размисли и сподели со вас како се поздравуваат неговите другарчиња, дали знае како се поздравува во текот на денот, кои зборови ги користи при поздрав. Објаснете му како треба да се поздравува при средба со некој наутро – „добро утро“ во текот на денот „добар ден“ а пак навечер „добра вечер“ Кога се подготвуваме за спиење посакуваме „лека ноќ“, „добра ноќ“.

На заминување секогаш се кажува „довидување“ Бидете пример на своето дете, поздравувајте се со соседите и познатите, при тоа изговарајте ги гласно поздравите. Детето ќе стекне навика и тоа да се поздравува и правилно да ги користи дадените зборови за поздравување.

На детето прочитајте му ја стихотворбата и разговарајте за нејзината содржина.
Доколку детето покаже интерес, може да ја научи стихотворбата напамет и да ја рецитира самостојно. За да го постигнете тоа потребно е содржината на стихотворбата да ја читате по неколку пати а детето да ја повторува заедно со вас.

ПОЗДРАВИ
Добро утро! Добро утро!-
Секое утро велам.
Добар ден! – напладне
Јас поздрави делам.
Со добра вечер се поздравува
Вечер кога дојде.
На разделба со -до видување-
Напред да се појде.
А на спиење кога одиш,
Мајка, татко гушни.
Добра ноќ – кажи
Добра ноќ – слушни.

Се надеваме дека ќе уживате во заедничките активности, а вашето дете ќе се стекне со навика за културно и правилно поздравување при доаѓање или заминување од градинка, средба со деца и возрасни.

Со поттикнување на детето да ја научи стихотворбата напамет ја развивате способноста за помнење на дадена содржина и јакнење на меморијата.