Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:
ЈАС СУМ ВЕСЕЛ
Цели на оваа активност се:
- Поттикнување на позитивно расположение,
- распознавање и именување на чувства,
- збогатување на емоционалниот живот,
- контрола во изразување на емоциите.
За реализација на оваа активност ќе ви биде потребно:
- Интернет,
- компјутер,
- сликовници
Разговарајте со вашето дете за тоа што во него буди позитивно и весело расположение т.е кога е тоа весело, поттикенете го да ви даде што повеќе примери, наведете и вие ваш пример.
Потоа можете заедно да разгледате некоја сликовница и да ги барате веселите ликови кои што се претставени во сликовницата, оставете детето самостојно да ги анализира, забележи и да ги опише ликовите, потоа заедно прочитајте ја сликовницата.
На крајот пуштете ја детската песничка „Кога сум среќен“ и заедно повторувајте ги зборовите низ ритмички движења.
ЗАЕДНО ДА УЧИМЕ НИЗ ИГРА.
