Цели на оваа активност се:

• Развивање на чувство на припадност,
• поттикнување на развој на чувства на сигурност,
• прифатеност и меѓусебна доверба,
• развивање свест за себе во однос на другите

За реализација на оваа активност ќе ви биде потребно:

• дрвени боички,
• фломастери,
• листови хартија.

Започнете ја активноста преку разговор со вашето дете, поттикнувајќи го да размислува за себе во однос на другите преку прашања што имаме слично а што различно со другите на пр. имаме иста боја на очи со некој, не секој може да игра балет, сите знаееме да пееме итн.

Прашајте го детето како се вика неговата група во градинката и потоа заедно нацртајте го симболот на групата на пр. детелинка, пеперутка, сонце итн. Поттикнете го детето да избере и да нацрта некој симбол кој ке биде препознатлив само за него или неговото име, потоа цртежот закачете го во неговата соба.