Размислувајќи како да ја потикнеме детската креативност воедно и да Ви дадеме предлог за нова активност градејќи ја самопочитта и самодовербата на детето преку поимот за себе а сето тоа да го преточиме во игра, работа и забава во која овој пат би ги споиле духот на минатото, традицијата и сегашноста, создавајќи и изработувајќи кукла, која исто така низ текот на децениите и новата ера еволуира и доживува своевидни трансформации. Од едноставна и изработена кукла метларка до модерна и урбана.
Целта ние да го воведеме детето во својот личен и имагинарен свет во кој ќе ја ослободи во целост креативноста ќе ги искаже идеите, создавајќи го своето ново куклено другарче. Во овој период од раниот детски развој куклата без сомнение ја зазема улогата на примат и стожер преку кој честопати децата со олеснување се изразуваат, па затоа и без сомнение можеме да ја наречеме и нивна продолжена рака говор и однесување.
Би било особено забавно во оваа активност да ги вклучиме и баба или дедо, малку да ги посетиме на нивните некогашни кукли метларки, парталки и сл. и преку едно кратко усно предание да Ни раскажат како тие ги создавале.
Активноста може да започне!
Потребен материјал: метлички, ножички, лепак, волница, (за мама, тато, баба или дедо игла, конец, наочари ?), разно разни природни материјали крпчиња и ткаенини.
- Долниот дел на метлата врзете го со тантела која, доколку правите машка кукла како на првата слика, тогаш одвојте и направете две ногавици од панталони како на втората слика.
- По сопствен избор направете глава (пр. наполнете чорап со памук )
- Нацртајте очи нос и насмевка
- Од волницата исечете разни должини и залепете ја косата
- Доколку креирате кукла во традиционална носија тогаш да не ја заборавиме шапката или марамата
- Детето нека го одбере моделот на облеката, бојата на очите и обликот на веѓите и нека ја нацрта најубавата насмевка) потоа дајте му самото да ја облече и да му смисли име на своето ново другарче.
За да создадете чувство на припадност ви предлагаме да ја одиграте играта ДА, НЕ, МОЖЕБИ. Во која детето поставува прашања на куклата Вие одговарате со овие три зборчиња или обратно. Улогите нека бидат поделени.
Ви посакуваме добра забава и продуктивна работа, со надеж дека истата ќе ни покаже како полесно да ги разбереме децата, и идентификуваме нивните чувства и евентуални проблеми.
Со Почит
