Врз основа на програмата за ран детски развој и планот на нашата градинка, за возрасна група деца 4 до 6 години, денес ја обработуваме темата со наслов:
ИНСЕКТИ
Цели на оваа активност се:
- Утврдување на знаењата на некои видови инсекти и користење на различни ликовни материјали.
Стандарди:
- Детето ги набљудува и опишува карактеристиките на живиот свет.
- Детето може да се движи кординирано со цел.
Со децата разговараме што се тоа инсекти? Кои инсекти ги познаваат, видови?
(пеперутка, оса, пчела, мравка, светулка, комарец, мува, Буба Мара). Како изгледаат, да ги опишат?
Каде живеат, кое е нивното живеалиште? Дали имаме штета или полза од нив и која е?
Предлог изработка на пеперутка но по желба можат да изработат било кој инсект, со материјалите кои ги имате по дома. Материјали за работа: Палома, штипка, фломастери или водени бои.
Паломата на средината ја собирате со штипка, на штипката ги цртате устата и очите. Крилата ги бојат по желба. Со готовата пеперутка имитираат лет, летаат како неа.
