Цели на оваа активност се:

• Запознавање со грижата на човекот кон животните,
• стекнување на сознание за полза-корист од домашните животни.

Потребен материјал:

• Сликовници им книги со домашни животни.
• Слики од домашни животни,
• слики од производи кои ги добиваме од домашните животни,
• пристап до интернет,
• цртежи и боички.

Разговарајте со децата по дадените слики и поттикнете ги да ви кажуваат зошто човекот се грижи и ги чува домашните животни, каква корист има од нив.
Објаснете им како се викаат местата каде се чуваат домашните животни (штала, бачило, трло, кокошарник, фарма…) Која храна ја јадат домашните животни: сено, слама,просо, ѓито, пченка, трева….

На you tube можете да најдете видеа со фарми и животни. Гледајте ги заедно видеата и поттикнете ги децата да кажуваат што воочуваат, гледаат.
Именувајте едно домашно животно пр. Крава и прашајте Што ни дава кравата? Одговор: млеко; Што се можеме да направиме или добиеме со преработка на млекото: јогурт, кисело млеко, путер, павлака, сирење, кашкавал… Прашајте ги и за другите домашни животни. Децата нека ви кажуваат, опишуваат каква корист има човекот од одредено домашно животно.
Објаснете ја хранливоста на производите кои ги добиваме од домашните животни. Потребно е тие производи да се застапени во нашата секојдневна исхрана.

Доколку сте во можност испринтајте цртежи на оваа тема а децата нека ги обојат по своја замисла. Поттикнете ги децата сами да ги цртаат производите кои човекот ги добива од домашните животни.

Уживајте во заедничките активности .

ЗАЕДНО ДА УЧИМЕ НИЗ ИГРА