Европската недела на мобилност 2022 на тема “Подобри врски” во периодот од 16.09 до 22.09.2022 година беше одбележана со низа активности во сите објекти на ЈОУДГ “11 Октомври”-Бутел.

Дечињата од објектот Страшо Пинџур на покана на ЈУ Детски Културен Центар Карпош на 21.09.2022 година учествуваа во манифестацијата “Движи се за здравје”. Манифестација од забавно рекреативен карактер кој подразбира вежби за подобрување на моторичкиот развој кај децата од рана предучилишна возраст. Дечињата од објектот Бутел 2 и објектот Бутел 1 заедно со своите воспитувачки во дворовите  на градинките со велосипеди и тротинети го одбележаа 22-ри септември “Светскиот ден без автомобили”. Идејата на овој ден е да се даде слика, каки би изгледале улиците со помалку автомобили. Со активноста “Детски Игри-Движи се за здравје” на 27.09.2022 година во објектот Ташко Караџа се заокружи одбележувањето на Светската недела на мобилност. Континуирано практикување на спортот од најмали нозе пред се е добро за здравјето како и за севкупниот моторички развој на децата.