Врз основа на програмата за ран детски развој и планот на нашата градинка, за возрасна група деца 2 до 3 години, денес ја обработуваме темата со наслов:
ДРВОТО ВО ЕСЕН
Цели на оваа активност се:
- Воочување на промените кај дрвото во есен ,паднати листови,пожолтени,исушена трева,
- Развивање способност за воочување на промените и појавите во природата .
- Поттикнување на љубопитност,креативност и самостојност.
Стандарди:
- Детето стекнува информации за средината и опкружувањето преку набљудување и манипулација.
- Детето ги набљудува и опишува карактеристиките на живиот свет.
Потребен материјал:
- бел хамер, темперни бои, пластична чинија, сунгер.
На почетокот на децата им велиме ,,Ајде да погледнеме низ прозорецот да видиме какво е времето ,разговараме ,ги прашуваме дали има сонце,дали има листови на гранките ,каде паднале ,кое годишно време сме сега?-потопла облека јакни и сл.
Потоа однесете го детето на прошетка и воочете ги промените, паднати лисја, костени, пожолтена трева…. Каде се птиците? Каде отишле?….
Поттикнете го детето на љубопитност ,самостојност,креативност.
Заедно со детето соберете лисја и костени поттикнете го на натпревар.
На крајот во домот со ваша помош нацртајте дрво а детето со туткана хартија или мало сунгерче да отпечати есенски лисја.
ЗАЕДНО ДА УЧИМЕ НИЗ ИГРА
