Цели на оваа активност се:

• Претставување на себе си, развивање на поимот за себе и другите, поттикнување и развивање на способност за меѓусебна комуникација и поттикнување на детето за разговор со своите врсници и возрасните, усвојување на културно и учтиво однесување

За реализација на оваа активност ќе ви биде потребно:

• хартија,
• лепило,
• боички,
• ситни украси,
• мека жица

Организирајте заедно со детето мини куклена претстава на тој начин што прво ќе изработите кукли-напрстоци, како на примерите подолу на сликите. На куклите дајте им име така што тие меѓусебно ќе се претстават. На забавен начин преку прстите претставете ликови на животни, ликови од приказните итн. Разговарајте за тоа како се претставуваме (го кажуваме своето име за другите да не запознаат), прашајте го детето за имињата на неговите другарчиња во градинката да ви ги каже.

На крајот на активноста обидете се да ја научите следнава стихотворба:

Нашите прстиња
Кренете раце, прстиња горе, броиме по ред,
првото прсте се вика палче, а второто показалче.
Кренете раце, прстиња горе, горе сите пет, третото прсте висок Диме,
четвртото нема име.

Реф: Нашите прстиња имаат имиња,
има име и за малото прсте.
Нашите прстиња имаат имиња,
а најмалото го викаме Крсте.