Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:
ЦРЕШИ
Цели на оваа активност се:
- Развивање интерес за експериментирање со со темперни бои.
- Елементарни сознанија за тоа што е печатење контролирано. држење на раката и отпечатување.
- Стекнување на фината моторика кај децата .
- Поттикнување на самостојност во секојдневните активности, ментална, емотивна и физичка спретност за активноста.
За реализација на оваа активност ќе ви биде потребно:
- Темперни бои
- Фломастери
- Плутена тапа од вино
- Бел лист хартија
- Слика.
Направете краток разговор со Вашето дете за црешата како овошје, каде расте, каков е нејзиниот изглед, вкус, форма и боја. Како и начинот на нејзиното консумирање и потребата од миење пред јадење.
Разговарајте и запознајте го детето со потребните материјали како и со техниката на печатење, објаснете му ја постапката со цел да имаме успешен детски труд (слика 01)
Во палета за бои ставаме црвена темперна боја , потоа плутената тапа од вино ја валкаме во црвената боја (слика 02)
Потоа со печат од неа на лист бел хартија добиваме цреши (слика 03)
Откако ќе ги испечатиме црешите чекаме малку да се исушат и потоа со помош на фломастер ги цртаме дршките и ливчињата на црешите (слика 04, 05, 06,07 и 08)
По завршувањето на овие активности понудете му на Вашето дете да нацрта или обои цреши (дадени ви се примери доколку сте во можност можете да испринтате или пак нацртајте)
На контура од дрво понудете му на Вашето дете на нацрта цреши за да добие црешово дрво.
Додека работиме можеме малку и да учиме стихотворби:
Цреши
Сестричката моја
Денеска се реши
Да оди да собира
Од вкусните цреши
Од нив таа обетки
Ќе прави
На секое увце по
Две ќе си стави
Ги изеде сите
Се нагости слатко
Па така обетките
И траеа кратко.
Со реализација на овие активности ќе ја поттикнеме и развиеме љубопитноста и креативноста кај вашите деца. Како и јакнење на фината моторика кај детето, истрајноста и упорноста.
Се надеваме дека уживавте во заедничките активности а Вашето дете стекна сознанија за техниката печатење, како и за едно од највкусните рани овошја -цреши.
Во интерес на Вашето дете е да ги следите нашите објави.
ЗАЕДНО ДА УЧИМЕ НИЗ ИГРА.