Врз основа на програмата за ран детски развој и планот на нашата градинка, за возрасна група деца 3 до 4 години, денес ја обработуваме темата со наслов:
ЧИСТА КУКЛА
Цели на оваа активност се:
- Поттикнување на детската љубопитност;
- Осознавање на својствата на водата преку манипулација со вода и предмети.
За реализација на оваа активност ќе ви биде потребно:
- Вода,
- Кукла,
- Кадичка,
- Шампон,
- Сапун,
- Пешкир.
Опис на активноста која можете да ја реализирате заедно со вашите деца кои се на возраст од 3 до 4 години.
Со децата разговаравме за хигиената ,како една од најважните работи кај човекот. Затоа е многу важно кај децата да се стекне здрава навика за одржување на чистотата на телото и облеката.
За да одржуваме лична хигиена потребен ни е прибор за лична хигиена.
Чисто дете -значи здраво дете.
Чистотата на нашите играчки е исто така многу важно, и затоа и тие треба редовно да се чистат и одржуваат, а тоа најдобро се прави со вода.
Во нашиот пример ќе пробаме заедно да ја избањаме нашата омилена кукла. Најпрво го донесуваме сето она што ни е потребно и започнуваме со бањање на нашата кукла.
Потоа ја соблекуваме куклата и внимателно ја ставаме во кадичката, каде имаме помешано топла со ладна вода.
Потоа ставаме шампон на раката и нежно го триеме главчето на куклата, а потоа земаме сапунче и нежно му го триеме телото со него.
На крајот со млака вода ја плакнеме куклата и нежно ја бришеме со пешкир.
А потоа ја облекуваме во чисти алишта.
По завршувањето на активноста поттикнете го детето почесто да ги бања и да ја одржува хигиената на своите кукли.
Обидете се заедно да ги искапете и другите кукли од играчките.
И додека ја бањаме куклата и да ја рецитираме стихотворбата:
ЧИСТО ДЕТЕ
Мијам уши и очиња
тријам нозе и рачиња
Кој што сака да е бел
треба да се мие цел.
Со реализација на овие активности ќе го поттикнеме детето да истражува разни предмети и материјали и почесто ќе се вклучува во истражувачки активности.
А најмногу од се да научи да ја одржува личната хигиена.
Во интерес на вашето дете е да ги следи нашите објави.
ЗАЕДНО ДА УЧИМЕ НИЗ ИГРА.