На ден 07.04.2023 година во просториите на матичниот објект на ЈОУДГ “11 Октомври”-Бутел се одржа обука за “Улогата на воспитувачот и стручниот соработник во градење на здрава средина, пренесување на морални вредности и превенирање на насилство во предучилишните установи”.
Воспитувачките и стручниот тим заедно со директорката земаа активно учество во обуката каде ги збогатија своите сознанија за секојдневната работа и актуелните теми во воспитанието и образованието на децата од предшколска возраст.
Реализатори на обуката беа:
- Проф.д-р Лена Дамовска-доктор по педагошки науки
- Проф.д-р Татјана Стојаноска иванова – доктор по социолошки науки
- Проф.д-р Тања Милошевска – доктор по одбрана и безбедносни науки
- Проф.д-р Софија Арнаудова – психолог, доктор по социјална работа и социјална политика
Стручните усовршувања на воспитно-образовниот кадар е практика која се одржува во континуитет за обезбедување на современи и квалитетни услуги во детската заштита.
